SIM cards في ألمانيا 📱

أول حاجة تعملها كي توصل لألمانيا هي الإنترنت، خاطر من غيرو كل شي يتعقد شوية 😅

قبل ما توصل (حلول مؤقتة)

تنجم:

• تستعمل roaming من الشركة التونسية متاعك لمدة أيام الأولين:
  • ooredoo roaming passports
  • orange pass roaming
  • telecom pass roaming data
• ولا في بعض الحالات تلقى SIM libera يعطيوها من السفارة الألمانية فيها 10 اورو تجم تستعملهم وبعد كن تحب تكمل تجم تصب أكثر (صراحة ما ننصحش تبقى تستعمل SIM متاع السفارة برشا. خاطر في ألمانيا فما عروض أرخص برشا).

⚠️ كان باش تستعمل roaming، ما تنساش تفعل في settings متاع التليفون:

“Allow data roaming” خاطر من غيرها الإنترنت ما يخدمش.

• تنجم زادة تشري eSIM تتشعل ديركت (instant activation) إما حل موقت وغالي على المدى الطويل.
• تنجم زادة تمشي مباشرة لـ shop ولا office متاع شركات الاتصالات، أما صراحة غالباً يكون أغلى من العروض اللي تلقاهم online، وأحياناً يحاولوا يقنعوك بعروض موش دائماً في صالحك.

---

SIM prepaid من السوبرماركت

فما حل ساهل برشا: تنجم تشري SIM prepaid من السوبرماركت كيما Aldi, Lidl ولا Rewe. الحاجة هاذي باهية خاطر ما تحتاجش bank account. عادة تكون أغلى شوية من العروض online.

---

شنية تحتاج باش تشري SIM في ألمانيا online:

باش تشري SIM online في ألمانيا عادة يلزمك bank account (يلزمك IBAN باش يخصمو الفاتورة كل شهر.)

وبعد باش تفعل SIM ولا contract لازم تعمل verification متاع الهوية: يا إما في post office (PostIdent) ولا online بالفيديو (VideoIdent).

أحسن طريقة باش تقارن الأسعار هي موقع: Check24

تنجم تشوف:

• أرخص plans
• أكثر data
• عروض تناسب الطلب بتاعك