فما برشة وبسايت يجموا يعونوك تلقى كرا في ألمانيا:
wg-gesucht
هو موقع فيه أكثر حاجة السكن المشترك (colocation بالألمانية Wohngemeinschaft أو WG) إما تجم تلقى فيه زادة شقق (appartement).
- بش تبعث لل-WG: ماذابيك تكتب فقرة على روحك وتقنع الناس اللي إنت الشخص المناسب للـWG. (قدّم روحك بطريقة تخليهم يحبّو يسكنو معاك 😅).
Immobilienscout24
هذا الموقع فيه أكثر شقق وديار و ساعات WG.
المشكل إنو من غير اشتراك في ImmoScout تقريباً ما عندكش حتى فرصة باش يجاوبوك. الاشتراك غالي شوية وزادة أقل مدة هي 3 شهور، وإذا ما عملتش cancel يتجدد وحدو. أنا شخصياً نشوف اللي اشتراك عام خير، خاطر برشا مرات 3 شهور ما يكفيوش باش تلقى دار 😅
kleinanzeigen
الموقع هذا في ألمانيا تنجم تلقى فيه كل شي مستعمل، وحتى apartments و WG زادة.
⚠️ لازمك تكون حذر برشا، خاطر فما ديما خطر متاع arnaques (عمليات احتيال).
🚨 أهم الحاجات اللي لازمك تفيق بيها:
- ما تبعثش فلوس ولا حتى dépôt قبل ما تشوف الدار بعينك.
- ما تعطيش معلومات شخصية حساسة قبل ما تتأكد من الشخص.
- ديما حاول تشوف الدار في الواقع قبل أي اتفاق.
في ألمانيا خاصة في المواقع هاذم، لازمك تكون ديما شوية sceptique وتفكر بالعقل قبل ما تتحمس 😅